METRO MANILA, Philippines — Si Sen. Edgardo “Sonny” Angara ang itinalagâ ni Pangulong Ferdinand Marcos Jr. bilang bagong kalihim ng Department of Education (DepEd).
Sa ika-19 ng Hulyo pormal na uupo sa kanyang bagong posisyon si Angara kapalit ng nagbitíw na si Vice President Sara Duterte.
Ang pagtalagâ kay Angara ay inanunsiyo sa isang Facebook post ngayóng Martés ng Presidential Communications Office (PCO).
BASAHIN: Angara tiniyák na may pondo ang ‘chalk allowance’ ng teachers
BASAHIN: VP Sara Duterte nagbitíw na bilang DepEd chief
Ibinahagì ng PCO ang napakalawak na karanasán ni Angara bilang mambabatas, at kabilang sa mga nagawâ niya simula noóng 2013 ay ang pagsulong ng napakaraming repormang pang-edukasyón.
Kabilang sa mga panukala ni Angara na nagíng batás na Universal Access to Quality Tertiary Education at Enhanced Basic Education Act of 2013 (K-12).