Angara tiniyak na may pondo ang “chalk allowance” ng public school teachers
Simula 2021, P4 bilyon bawat ang inilalaan para sa P5,000 teaching allowance ng public school teachers.
Tiniyak ni Sen. Sonny Angara na may pondo para sa naturang allowance, na unang tinaguriang “chalk allowance.”
Lumusot na sa Senado at Kamara ang panukalang-batas para madoble pa ang allowance at hinihintay na lamang ang pirma ni Pangulong Marcos Jr., sa pag-amyenda sa Kabalikat sa Pagtuturo Act.
“Mahalaga na matugunan natin ang pangangailangan ng ating mga guro sa pagtuturo ng mga kabataan. Hindi na dapat nangyayari na nag-aabono pa ang mga guro para bumili ng supplies dahil sa kulang ang allowance na galing sa pamahalaan,” sabi pa ng namumuno sa Senate Committee on Finance.
Nagsimula sa P700 ang chalk allowance ng 557,453 guro at umangat ito sa P5,000 noong 2021 hanggang ngayon para sa 965,082 guro.
Umaasa si Angara, na isa sa mga awtor ng panukalang-batas, na pipirmahan ito ni Pangulong Marcos Jr.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.