METRO MANILA, Philippines — Magmatyág ng mga negosyo, lalo na yung mga Philippine offshore gaming operator (POGO), sa inyóng barangáy, bayan, or siyudád at tiyakín na lehitimo ang mga itó.
Itó ang bilin ni Interior Secretary Benhur Abalos nitóng Martés sa ang mga lokál na opisyál.
Aniya, kung may pagdududa ang mga opisyál kailangan ay agád siláng makipag-ugnayan sa mga awtoridád.
BASAHIN: Revilla, Estrada naalarma sa China PLA uniforms sa POGO hub
BASAHIN: Pagcor dapat isará na ang mga ilegál na POGO – Jinggoy Estrada
Binanggít din ng kalihim na hanggang 400 aplikasyón para sa operasyón ng POGO ang tinanggihán ng Philippine Amusement and Gaming Corp. (Pagcor) at ang mga ganyán ang dapat bantayán ng mga pamhalaáng lokál.
“So you could just imagine, ‘yung hindi mo napagbigyán ng permit, nasa Pilipinas pa ‘yung ibá dyán at malamáng na gumagawâ ng illegal activities,” aniya.
Ayon kay Abalos, 43 POGOs na lang ang may permit mulâ sa Pagcor at linggo-linggó ang pagsisiyasat sa mga itó.
Kamakailán, isang POGO hub sa Porac, Pampanga ang nadiskubréng “scam farm.”