METRO MANILA, Philippines — Binitbit pa ng isáng kilometro ng isang buwaya ang bangkáy ng isang 60-anyos na babae na sinagpáng nitó bago ito iniwan sa Bataraza, Palawan.
Pinaniniwalaan na inatake at sinagpáng si Monelba Sarriol ng Barangay Malitub habang ito ay naglalabá sa gilid ng ilog noóng umaga ng Miyerkules, ika-5 ng Hunyo.
Isang kapitbahay ang nakakita na kagat-kagát ng buwaya ang biktima, na natagpuán dalawang oras matapos ang pag-atake.
BASAHIN: Bata inatake ng buwaya sa Palawan
BASAHIN: Mag-ama, inatake ng buwaya sa Palawan
Noón lamang nakaraang ika-25 ng Mayo, napatay din ng isáng buwaya ang 18-anyos na si Normelito Siplan habang inaayos ang kanyáng bangkâ sa Barangay Sapà sa Batarza rin.
Dahil sa dalawáng insidente, pinag-iingat ng pamahalaáng panglalawigan ang mga residente ng mga lugár na malapit sa mga ilog.