METRO MANILA, Philippines — Inalmahán ni Mayor Alice Guo ng Bamban, Tarlac ang alegasyón na sangkót ang kanyáng amá sa money laundering.
Sumulat si Guo sa Senate Committee on Women and Children, na pinamumunuan ni Sen. Risa Hontiveros, at ipinagdiinan na lehitimong negosyante ang kanyáng amá.
Aniya, ang mga negosyo ng amá ay hindí lamang sa Pilipinas kundí mayroón din sa ibáng mga bansâ.
BASAHIN: Bamban Mayor Alice Guo sinuspindí ng Office of the Ombudsman
BASAHIN: Mga magulang ni Mayor Alice Guo walá na raw sa Pilipinas
Dumatíng ang sulat ni Guo nitóng Miyerkulés sa kalagitnaan ng executive session ng komité, kung saan tinatalakay ang mga detalye ng operasyón na pagsalakay sa Philippine offshore gaming operator (POGO) hub sa Bamban noong nakaraá ng Marso.
Sabi pa niyá na embroidery ang pangunahing negosyo ng amá at matagál na itóng nasimulán sa bansâ.
Sa kanyáng sulat, mariíng itinanggí ng alkalde na nagpabayâ siyá sa kanyáng trabaho bilang halál na opisyal kaya nagkaroón ng ilegál na POGO sa kanyáng bayan.
Paliwanag pa niyá, binigyán niyá ng permit ang Zun Yuan dahil kumpleto ang mga dokumento nitó kasama na ang permit mulaâ namán sa Philippine Amusement and Gaming Corp.
Pinaninindigán din niyá na ang kanyáng iná ay si Amelia Leal, isáng Filipina at hindí ang binabanggít na Lin Wen Yi.
Inamin niyá na si Lin ay kinakasama at business partner ng kanyáng amá.
Umapilá din siyá sa mga senadór at magíng sa públiko na pakinggán din ang kanyáng mga paliwanág at huwág agád siyáng husgahán.
Nasasaktán na din aniya siyá sa paratang na siyá ay espiya ng China.