METRO MANILA, Philippines — Maraming mga manufacturing companies and nagtakda ng kusang paglagay sa price freeze ang kanilang mga produkto, ang pahayag ni Sen. Francis Tolentino nitong Biyernes.
Binahagi raw sa kanya ang impormasyon ng Department of Trade and Industry (DTI) matapos siyang umapila na magpatupad ng price control kahit wala pang deklarasyon ng state of calamity dahil sa epekto ng El Nino.
Dagdag ng senador, epektibo ang price control hanggang apektado ng El Nino ang maraming bahagi ng bansa.
BASAHIN: Price hike sa ilang basic goods okay sa DTI
BASAHIN: 3.8% na inflation naitala ng PSA noong Abril
“Ito yung mga makakatulong sa ating mga kababayan kahit hindi deklaradong state of calamity yung kanilang mga munisipyo na hindi magtataas ng presyo,” dagdag pa ni Tolentino.
Kabilang daw sa sasailalim sa “price freeze” ang mga gatas ng bata.