3-day SONA gun ban sa Metro Manila simulá na sa Sabado, ika-20 ng Hulyo
METRO MANILA, Philippines — May tatlóng araw na gun ban sa Metro Manila na magsisimula ng 12:01 a.m. sa Sabado, ika-20 ng Hulyo.
Ang pagsuspindí sa lahát ng permit to carry firearms outside of residence (PTCFOR) ay bahagì ng planong pang-seguridad para sa pangatlóng State of the Nation Address ni Pangulong Ferdinand Marcos Jr. sa Lunes, ika-22 ng Hulyo..
Ang gun ban ay epektibo hanggang 12:01 a.m. ng Martés, ika-23 ng Hulyo.
BASAHIN: 22,000 pulís, security forces magbabantáy sa 3rd SONA ni Marcos
BASAHIN: Sa SONA, Pimentel umaasang may ulat ng pag-usad sa mga plano
Sa abiso ng Philippine National Police (PNP), ang gun ban ay para matiyák ang kaligtasan ng públiko sa pag-uulat sa bayan ng pangulo.
May 22,000 pulis ang magbabantay sa Metro Manila sa Lunes at 6,000 sa kanila ay sa paligid ng Batasang Pambansa complex.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.