Michael Yang inabswelto ng PDEA sa ilegal na droga
Inabswelto ng Philippine Drug Enforcement Agency (PDEA) ang Chinese na negosyante at dating presidential economic adviser Michael Yang sa operasyon ng ilegal na droga bansa.
Sa Talk to the People ni Pangulong Rodrigo Duterte, ini-report ni Philippine Drug Enforcement Agency Director Wilkins Villanueva na walang katotohanan ang mga parating ng nasibak na pulis na si Eduardo Acierto na konektado si Yang sa operasyon ng ilegal na droga sa Davao City.
Lumutang ang pagkakasangkot ni Yang sa ilegal na droga matapos sumalang sa imbestigasyon ng Senate Blue Ribbon committee kaugnay sa umanoý pagbili ng pamahalaan ng mga overpriced na medical supplies sa kompanyang Pharmally Pharmaceutical nap ag-aari ng Chinese na negosyante.
Sinabi pa ni Villanueva na walang kredibilidad si Acierto na mag-akusa kay Yang.
Mismong si Pangulo rin ang nagsabi na walang kinalaman sa ilegal na droga si Yang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.