Nakaranas ng aberya sa biyahe ng MRT at nagpatupad ng provisional service makaraang may makitang usok malapit sa pintuan ng isang tren.
Huminto ang tren sa pagitan ng GMA-Kamuning at Cubao stations at pinababa ang mga pasahero ala 1:36 ng hapon.
Ang mga pinababang pasahero, naglakad sa riles patungong Cubao station.
Ayon sa control center ng MRT, galing sa ilalim ng upuan ang uso.
Maari umanong may electric components sa ilalim ng upuan ang nagkaproblema.
Pagsapit ng ala 1:45 ng hapon, sinabi ng pamunuan ng MRT na nagpatupad na sila ng provisional service.
Shaw Boulevard hanggang Taft stations lamang at pabalik ang biyahe habang wala namang biyahe mula Shaw hanggang North Avenue stations at pabalik.
Alas 2:46 ng hapon naman au naibalik na sa normal ang biyahe ng MRT.
WATCH: Kita sa video na ito ang paglalakad ng mga pasaherong pinababa sa pagitan ng GMA-Kamuning at Cubao stations | @kbdaenlle pic.twitter.com/KGjTgiQpUa
— RadyoInquirer990AM (@dzIQ990) January 26, 2018