Nag-alay ang Philippine National Police (PNP) ng misa bilang pag-alala sa 44 na mga miyembro ng Special Action Force (SAF) na namatay sa operasyon sa Mamasapano, Maguindanao noong January 25. 2015.
Ginawa ng misa sa headquarters ng SAF sa Camp Bagong Diwa sa Taguig.
Dumating din sa seremonya si dating SAF Chief Getulio Napeñas. Dumalo din sa misa ang mga kaanak ng mga nasawing SAF.
Matapos ang misa, ang mga nasawing miyembro ng SAF ay ginawaran ng 21-gun salute.
Ang SAF 44 ay bahagi ng misyon na magsilbi ng arrest warrant laban sa international terrorist na si Zulkifli Bin Hir alyas Marwan na isang Malayasian bomber.
Pero nakasagupa ng tropa ng gobyerno ang mga miyembro ng Moro Islamic Liberation Front (MILF), Bangsamoro Islamic Freedom Fighters (BIFF) at local armed groups.