Kilusang komunista, nais na ring wasakin ni Duterte

 

Nais ni Pangulong Rodrigo Duterte na wasakin ang kilusan ng mga komunista tulad ng kampanya ng pamahalaan na supilin ang pamamayagpag ng iligal na drog sa bansa.

Sinabi ito ni Pangulong Duterte sa kaniyang talumpati sa Mawab, Compostela Valley.

Ayon sa pangulo, nagdudulot ng pagdurusa sa mga Pilipino ang communist insurgency.

Dahil dito, nais na niya itong tuluyang puksain.

Giit ng pangulo, seryoso siya kapag sinabi niyang “destroy” dahil ito aniya ang “rule of war.”