Magnolia Hotshots, naitala ang ikatlong sunod na pagkapanalo

Wagi ang Magnolia Hotshots kontra Phoenix Fuel masters sa iskor na 97-91 sa kanilang naging laban kagabi para sa 2018 PBA Philippine Cup.

Ito na ang ikatlong sunod na pagkapanalo ng koponan.

Ayon kay Magnola Coach Chito Victolero, tatlong bagay ang nagpanalo sa kanila at ito ay ang, ‘talas ng isipan, pagsisikap at pagnanais na magwagi. ‘

Alam anya nila na magiging mahirap ang laban dahil kagagaling lamang ng Phoenix sa pagkatalo at nakatakdang bumawi ang mga ito.

Nagpapasalamat si Victolero at hindi bumigay sa pressure ang kanyang mga manlalaro.

Nanguna para sa Magnolia si Paul Lee para sa kanyang 20 points habang nanguna para sa Phoenix si Gelo Alolino na nagtala ng 19 puntos