Inihayag ng Globe Telecom na pansamantala nilang puputulin ang kanilang serbisyo sa ilang bahagi ng Cebu at Aklan kaugnay sa Sinulog at Ati-Atihan festival.
Sa kanilang advisory, sinabi ng Globe na bahagi ito ng pagtalima sa direktiba ng National Telecommunications Commissions (NTC) may kinalaman pa rin sa isyu ng seguridad.
Sa lungsod ng Cebu, mapuputol ang serbisyo ng Globe sa January 20 mula alas-dose ng tanghali hanggang alas-siyete ng gabi ito ay kaugnay sa gaganaping prusisyon ng Sto. Niño.
Sa January 21 mula alas-otso ng umaga hanggang alas-otso naman ng gabi ay mawawalan ng signal ang Globe sa Aklan para a Sinulog grand parade.
Ang mga Globe subscribers sa nasabing mga lugar at petsa ay pansamantalang mawawalan ng signal sa kanilang mga telepono kasama na dito ang internet at mobile data services.
Nauna nang sinabi ng NTC na ipag-uutos nila ang pansamantalang pagputol sa serbisyo ng mga telcos para hindi magamit ang cellular signal na triggering device sa mga pampasabog.