Sunog sa Mindanao Avenue sa QC, tatlong sasakyan ang nadamay

Nadamay ang tatlong mamahaling sasakyan sa sunog na naganap sa Mindanao Avenue sa Barangay Sauyo, Quezon City.

Tinupok ng apoy ang dalawang establisyimento sa loob ng Victoria Subdivision Biyernes ng umaga.

Ayon sa Quezon City Fire Bureau, ang nasunog ay isang car shop na gawaan ng mga mamahaling sasakyan at isang kainan.

Napinsala sa nasabing sunog ang tatlong sasakyan na nakaparada sa car shop.

Nagsimula ang sunog pasado alas 4:00 ng madaling araw na umabot sa ikatlong alarma.

Naideklara naman itong fire out ganap na 5:40 ng umaga.

Inaalam pa kung ano ang pinagmulan ng apoy.