Refund ng Sanofi sa Dengvaxia, OK sa Palasyo

 

Malugod na tinanggap ng Palasyo ng Malakanyang ang pag-refund ng Sanofi Pasteur sa mga hindi nagamit at pa-expire na Dengvaxia vaccine na aabot sa 1.4 billion pesos.

Ayon kay Presidential Spokesman Harry Roque, suportado ng palasyo ang panawagan ng Department of Health na full refund ng Sanofi na aabot sa 3.5 billion pesos.

Agad namang nilinaw ni Roque na bagamat welcome sa palasyo ang refund hindi ito makaapekto sa ginagawang imbestigasyon ng pamahalaan laban sa Sanofi.

Sinabi pa ni Roque na kinakailangan pa ring mabatid kung may pananagutang kriminal ang Sanofi dahil sa Dengvaxia vaccine.