Maja Salvador, inamin na may nakaka-date na non-showbiz guy

 

Kinumpirma na ni Maja Salvador na nakikipag-date na siya sa kasalukuyan.

Ayon kay Maja, kanyang high school classmate ang lalake at labinlimang taon na niya itong kakilala at kaibigan.

Isang pribadong tao aniya ito at hindi involved sa showbusiness.

At dahil matagal na silang magkakilala, kabisado na nila aniya ang isa’t-isa.

Maging ang kani-kanilang mga pamilya ay magkakakilala kaya’t mistulang bahagi na siya ng pamilya ng lalake.

Matatandaang naugnay ang aktres sa mga aktor na sina Gerald Anderson at John Lloyd Cruz may ilang taon na ang nakalilipas.