Dalawang magkasunod na aberya ang naitala sa biyahe ng MRT-3 na nagresulta sa pagpapababa sa mga pasahero.
Una nang naitala ang aberya alas 5:09 ng umaga, pinababa ang mga pasahero ng MRT sa bahagi ng GMA-Kamuning Southbound.
Ito ay dahil sa naranasang train failure.
Pinasakay na lang sa kasunod na tren ang mga apektadong pasahero.
Samantala, alas 6:41 naman ng umaga nang muling magpababa ng mga pasahero sa Boni Avenue Southbound.
Isang tren ng MRT ang nakaranas ng technical problem kaya kinailangang pababain ang mga sakay nito.
Dahil sa dalawang magkasunod na aberya, labingdalawang aberya na ang naitatala sa biyahe ng MRT ngayong Enero 2018.