Ayon kay Luzena Bermeo, pinuno ng Environment, Disaster Management and Emergency Response Office (EDMERO), hindi pa rin natatagpuan hanggang sa ngayon ang mangingisdang si na si Lito Baruel, 47 taong gulang at residente sa bayan ng Caramoan.
Si Baruel ay kabilang sa grupo ng mga mangingisda na pumalaot sa kabila ng masamang panahong idinulot ng tail-end of cold front.
Sinabi ni Bermeo na sinagip ng Philippine Coast Guard (PCG) at EDMERO ang mga mangingisda sa karagatang bahagi ng mga bayan ng Siruma at Tinambac.
Samantala, nanatiling lubog sa tubig-baha dahil sa patuloy na pag-ulan ang malaking bahagi ng Camarines Sur.