Hindi na pinatulan pa ni Senate President Aquilino ‘Koko’ Pimentel III ang panawagan ni Senate Minority Leader Franklin Drilon na ipagtanggol ang Senado laban sa banat ni House Speaker Pantaleon Alvarez laban sa Mataas na Kapulungan.
Ayon kay Pimentel, ipinagtanggol at naglabas na siya ng pahayag sa mga naging pagpuna ni Alvarez sa Senado matapos itong tawagin ng House Speaker na “mabagal na kapulungan”.
Pagtatanong ni Pimentel, tila gusto pa yata ni Drilon na magkaroon ito ng ‘word war’ kontra kay Speaker Alvarez.
Iginiit pa ng Senador na malabo na mangyari na makipagbangayan ito kay Alvarez dahil kapwa sila opisyal ng PDP-Laban, samantalang si Drilon ay sa hanay naman ng Liberal Party.
MOST READ
LATEST STORIES