Magsasaka, patay sa pamamaril sa Nueve Ecija

Dead-on-the-spot ang isang magsasaka matapos pagbabarilin sa bahagi ng San Antonio-Zaragoza Road sa Barangay Papaya, Nueve Ecija, Sabado ng gabi.

Ayon sa pulisya, sakay sa kanyang motorsiklo, pauwi na sana ang biktima na si Benito Pereña nang bigla itong atakihin ng sumunod sa kaniyang motorcycle rider bandang 7:25 ng gabi.

Nagtamo ng madaming tama ng bala sa katawan ang biktima.

Sa ngayon, alitan sa lupa ang tinitignang motibo ng mga imbestigador sa naturang pamamaril.