Nadagdagan pa ang bilis ng tropical depression Agaton habang tinatawid ang Sulu Sea patungong Palawan.
Huling namataan ng PAGASA ang sentro ng bagyo sa 170 kilometers West ng Dumaguete City, Negros Oriental.
Taglay nito ang lakas ng hanging aabot sa 55 kilometers bawat oras at pagbugsong aabot sa 90 kilometers bawat oras.
Kumikilos ang bagyo sa bilis na 28 kilometers bawat oras sa direksyong pa-Kanluran.
Nakataas pa rin ang public storm warning signal number 1 sa mga sumusunod na lugar:
- Palawan kabilang ang Cuyo Island
- Guimaras
- Negros Oriental
- Negros Occidental
- Southern Antique
- Southern Iloilo
Ayon sa PAGASA, magdudulot ang bagyo ng malawakang katamtaman at malakas na pag-ulan sa mga lugar na nasa ilalim ng signal number 1 gayundin sa Bicol Region, Eastern Visayas, Panay Island, Romblon, at Mindoro provinces.
MOST READ
LATEST STORIES