14 patay sa pamamaril sa isang simbahan sa Nigeria

Labingapat ang patay sa pamamaril sa isang simbahan sa Nigeria.

Ayon sa pulisya, pinagbabaril ng ilang suspects ang mga taong galing sa simbahan matapos ang misa para sa bagong taon.

Naganap ang pamamaril sa bayan ng Omoku na 90 kilometers o 56 miles mula sa Port Harcourt.

Dead on the spot ang labing-apat na churchgoers habang labing-dalawang iba pa ang nasugatan at dinala sa ospital.

Naglunsad ng manhunt operation ang rivers state police para sa ikadarakip ng mga gunmen.

Talamak sa lugar ang ilang makapangyarihang gang na madalas na nasasangkot sa mga mararahas na gang war.