Hinimok ni House Committee on Public Order and Safety Vice Chairman JB Bernos ang Kamara na aprubahan na sa pagbabalik sesyon ang PNP Modernization Bill.
Ayon kay Bernos, napapanahon ang modernisasyon ng PNP dahil sa kakulangan ng pagsasanay at kagamitan ng mga pulis.
Paliwanag nito, ang nangyaring problema sa Mandaluyong ay nagpapakita na kulang sa kagamitan ang mga pulis sa pagsasaayos ng mga kahalintulad na problema.
Mayroon aniyang problema sa komunikasyon ang PNP dahilan bakit nagkamali ang mga pulis nang kanilang pagbabarilin ang sasakyan ng mga biktima.
Sa nangyaring shootout sa Mandaluyong City na kinasangkutan ng Mandaluyong City Police, dalawa ang nasawi at dalawa rin ang nasugatan.
MOST READ
LATEST STORIES