Magnitude 3.0 na lindol, magkasunod na tumama sa Davao Oriental

Dalawang magkasunod na magnitude 3.0 na lindol ang naitala sa magkahiwalay na lugar as Davao Oriental.

Unang naitala ng Phivolcs ang magnitude 3.0 na pagyanig sa bayan ng Baganga.

Ayon sa Phivolcs, naganap ang lindol alas 2:49 ng madaling araw sa 91 kilometers Northeast ng Baganga sa Davao Oriental.

Samantala, alas 7:04 ng umaga naman ng umaga ng maitala din ang magnitude 3.0 na lindol sa bayan naman ng Governor Generoso.

Ang epicenter ng lindol ay naitala sa 81 kilometers ng Governor Generoso at may lalim na 31 kilometers.

Kapwa naman hindi inaasahang magdudulot ng pinsala ang magkasunod na lindol.