Sa inilabas na weather bulletin ng PAGASA kaninang alas-kwatro ng hapon, tatawaging “Urduja” ang nasabing bagyo.
Ang Tropical Depression “Urduja” ay huling namataan sa layong 480 kilometers sa Silangan Hilagang-Kanluran ng Hinatuan, Surigao del Sur.
Siya ay may lakas na 55kph malapit sa gitna at gustiness o pagbugsong umaabot sa 65kph.
Tinatahak ng nasabing sama ng panahon ang direksyon patungo sa Hilaga Hilagang-Kanluran sa bilis na 6kph.
Bukas ng umaga ay inaasahan na ang bagyong Urduja ay nasa layong 495 kilometers sa Silangan ng Guian, Eastern Samar.
Sinabi ng PAGASA na asahan pa ng lalakas ang nasabing sama ng panahon sa susunod na mga oras.
Pinayuhan rin ng weather bureau ang mga mangingisda sa Bicol region, Eastern Visayas at Caraga dahil sa malalaking alon ng dagat partikular na sa Silangang bahagi ng bansa.