Sarangani, Davao Occidental at Cagwait, Surigao Del Sur, niyanig ng lindol

Niyanig ng magkasunod na magnitude 3.1 na lindol ang bayan ng Sarangani sa Davao Occidental at ang Cagwait sa Surigao Del Sur.

Unang tumama ang magnitude.1 na lindol sa Sarangani, Davao Occidental alas 9:42 ng gabi ng Lunes.

Ayon sa Phivolcs, tectonic ang origin ng lindol na may lalim na 21 kilometers.

Samantala, alas 12:25 naman ng madaling araw ng Martes, tumama din ang magnitude 3.1 na lindol sa bayan ng Cagwait sa Surigao Del Sur.

May lalim lang na 8 kilometers ang lindol at tectonic din ang origin.

Wala namang naitalang intensities sa dalawang lindol.

Ayon sa Phivolcs, hindi rin inaasahang magdudulot ng pinsala at aftershocks ang dalawang lindol.