Inanunsyo ni Pangulong Rodrigo Duterte ang gagawin niyang pagbuwag sa lahat ng opisyal at tauhan ng isang hindi tinukoy na komisyon dahil sa isyu ng korapsyon.
Ang pahayag ay ginawa ng pangulo sa kaniyang talumpati sa 84th anniversary celebration ng Department of Labor and Employment sa Bulacan Capitol Gymnasium sa Malolos.
Ayon sa pangulo, sa Lunes ay sisibakin niya lahat ng bumubuo sa isang komisyon dahil sa pagkakasangkot ng mga ito sa korapsyon.
Sinabi ng pangulo na nais niyang tuparin ang kaniyang mga ipinangako noong kampanya na tutuldukan niya ang graft and corruption sa pamahalaan.
Samantala, sa nasabi ring talumpati, piinaalalahanan ng pangulo ang Philippine National Police (PNP) na ngayong balik na sa kanila ang anti-drug war campaign ay dapat silang maghinay-hinay.
Gayunman, binilinan din nito ang PNP na maging sigurado sa mga gagawing operasyon.