2 babae patay sa aksidente sa Zamboanga City

Patay ang dalawang babaeng motorcycle riders sa aksidenteng naganap sa Zamboanga City.

Dead on the spot sina Feliza Francisco at Celia Reyes makaraang mabangga sa kasalubong na isa ring motorsiklo.

Sa insiyal na imbestigasyon, nag-overtake ang dalawa sa isang truck na nasa kanilang unahan.

Dahil dito, nabangga nila ang kasalubong na motorsiklo, tumilapon pa ang dalawa at bumagsak sa harapan ng truck dahilan para magulungan sila nito.

Hawak naman ngayon ng mga pulis ang driver ng truck para sumailalim sa imbestigasyon.