Biyahe ng MRT, nagka-aberya

Nakaranas ng aberya sa biyahe ng Metro Rail Transit (MRT) ngayong Biyernes ng umaga.

Ayon sa abiso ng MRT, pinababa ang mga pasahero sa bahagi ng Santolan station southbound.

Ito ay dahil sa isang tren na nakaranas ng technical problem.

Naitala ang aberya alas 8:26 ng umaga at itinaas sa category 3 ang status ng biyahe ng tren.

Kahapon, Huwebes, nakapagtala din ng isang aberya sa biyahe ng MRT habang dalawang aberya ang naitala noong Miyerkules, December 6.