Metro Manila at mga kalapit na lalawigan, magdamag na inulan dahil sa Amihan

Magdamag na nakaranas ng pag-ulan sa Metro Manila at mga kalapit na lalawigan.

Ayon sa PAGASA, apektado ng northeast monsoon ang Northern at Central Luzon kasama na ang National Capital Region.

Kagabi pa lamang nagsimula na ang mahinang pag-ulan sa Metro Manila at sa mga lalawigan ng Quezon, Rizal, Bulacan at Laguna.

Pagsapit nang alas 2:00 ng madaling araw, light hanggang moderate at kung minsan ay malakas na na pag-ulan na ang naranasan sa nabanggit na mga lugar.

Hanggang kaninang alas 4:30 ng umaga, sinabi ng PAGASA na patuloy na nakararanas ng hanggang moderate na pag-ulan sa NCR, CALABARZON, Bataan at sa Bulacan.

Samantala, ang iba pang bahagi ng Luzon, at ang Eastern Visayas ay apektado naman ng tail-end ng cold front.