Panukalang emergency powers vs traffic, ‘pakulo’ lamang ni Sec. Tugade-Duterte

 

Nilinaw ni Pangulong Rodrigo Duterte na hindi siya kailanman humingi ng emergency powers sa Kongreso para maresolba ang matinding traffic sa metro manila.

Paliwanag ng pangulo, pakulo lamang ni Transportation Secretary Arthur Tugade at ng mga Councilors ang emergency powers dahil sa tingin nila, ang emergency powers ang magiging daan para masolusyunan ang naturang problema.

Sinabi pa ng pangulo na hindi siya kailanman lumapit sa Kongreso na kahit tanungin pa sina Senate President Koko Pimentel at House Speaker Pantaleon Alvarez.

Nanindigan pa ang pangulo na wala rin siyang hininging pabor maging sa Philippine National Police para sa kanyang anti-drug war campaign.