Operasyon ng MRT-3, sinuspinde

Kasunod ng pag-ulan sa Metro Manila ngayong hapon, muling naantala ang operasyon ng Metro Rail Transit-3 sa North Avenue station dahil umano sa isang technical problem.

Bandang alas kuwatro ng hapon kanina, may nakapaskil na sa istasyon na nagsasabing “temporarily unavailable” ang MRT.

Kinumpirma ng guwardya na may technical problem pero hindi na nito tinukoy kung anong uri.

Walang abiso kung kailan manunumbalik ang regular na operasyon ng MRT.