Presyo ng ilang noche buena items, tumaas na

Halos wala nang isang buwan bago ang Pasko, nagsimula nang tumaas ang presyo ng ilang noche buena items sa merkado.

Sa Balintawak Market, nadagdagan na ng dalawang piso ang presyo ng maliit na lata ng fruit cocktail na nasa P77 na, dating P75.

Ang presyo naman ng creamer, na isa sa mga ingredients ng fruit salad ay nadagdagan ng limang piso.

Nasa P52 na ang presyo ng isang 250-gram na lata ng creamer na dating P48.

Kadalasan hindi nawawala ang fruit salad sa mga inihahanda tuwing ipinagdiriwang ang Pasko.

Sinabi ng ilang vendors na nasa pagitan lamang ng P1 hanggang P2 ang mark-up ng kanilang itinitinda kada item.