Pagsasara ng paliparan sa Indonesia, pinalawig pa dahil sa pagsabog ng Mount Agung

Pinahaba pa ang pagpapatupad ng closure sa paliparan sa Bali, Indonesia.

Ito ay kasunod ng pagbubuga ng abo ng Mount Agung volcano.

Ayon sa abiso ng aviation navigation authorities, itutuloy pa ang pagsasara ng Gusti Ngurah Rai International Airport sa loob ng susunod na 24 na oras.

Nabalutan kasi ng abo mula sa bulkan ang “aircraft flight channels” sa paliparan.

Samantala, ang Lombok International Airport naman sa Lombok, Indonesia ay binuksan na matapos isara sa magdamag.