Dalawa pang dating tauhan sa Philippine Drug Enforcement Ageny (PDEA) ang dinala ni Bureau of Customs Chief Isidro Lapeña sa ahensya.
Pinakahuli dito si dating PDEA Regional Dir. Gladys Rosales na itinalaga ni Lapeña bilang deputy commissioner for internal and administration group.
Inilagay naman ni Lapeña si dating PDEA Deputy Dir. Ricardo Quinto bilang bagong customs deputy commissioner for intelligence group.
Nauna nang binitbit ni Lapeña mula sa dati nitong pinamumunuan na PDEA sina dating PDEA-NCR Chief Wilkins M. Villanueva na itinalaga bilang OIC ng BOC-CIIS at Yogi Felimon L. Ruiz bilang OIC ng BOC-ESS.
Habang si Director Jeoffrey Tacio ng PDEA Regional Office I ay inilagay naman ni Lapeña bilang officer-in-charge ng Import and Assessment Service.