Dalawang magkasunod na lindol, tumama sa Davao Occidental

Niyanig ng dalawang magkasunod na lindol ang bayan ng Jose Abad Santos sa lalawigan ng Davao Occidental.

Unang tumama ang magnitude 3.2 na lindol alas 3:38 ng madaling araw ng Martes (Nov. 21).

Ayon sa Phivolcs, naitala ang pagyanig sa 107 kilometers South ng Jose Abad Santos.

May lalim na 12 kilometers ang lindol at tectonic ang origin.

Alas 4:16 naman ng umaga ay tumama ang mas malakas na lindol sa nasabi ring bayan.

Naitala ng Phivolcs ang magnitude 4.1 sa bayan 44 kilometers South ng Jose Abad Santos na may lalim na 55 kilometers at tectonic din ang origin.

Hindi naman inaasahan ng Phivolcs na magdudulot ng pinsala ang dalawang magkasunod na lindol.