Lalaking hinalay ang sariling anak, arestado sa Caloocan City

Timbog ang isang lalaking hinalay umano ang sariling anak na babae sa Barangay 83, sa Caloocan City.

Ayon sa mga otoridad, nakatanggap sila ng tawag mula sa isang concernez citizen tungkol sa panghahalay ng suspek sa kanyang labindalawang taong gulang na anak.

Kaagad na rumedpunde ang mga elemento ng Caloocan City Police Community Presinct 2 at dinatnan ang lalaking nakikipag-inuman sa kanyang mga kapitbahay.

Matapos mahuli ang lalaki ay hindi naman na nito itinanggi ang ginawang krimen.

Samantala, hindi naman nagpaunlak ng panayam ang biktima tungkol sa insidente.