Truck at closed vans, bawal na sa ilang pangunahing lansangan mula bukas, Nov. 11 dahil sa ASEAN

Simula bukas, November 11, babawalan na ang mga truck at closed van sa pagdaan sa maraming pangunahing lansangan.

Bahagi ito ng security measures na ipatutupad para ASEAN Summit.

Sa abiso ng Metropolitan Manila Development Authority (MMDA), ang lahat ng trucks at closed vans ay bawal sa mga sumusunod na kalsada mula November 11 hanggang 15:

• EDSA – mula Balintawak hanggang Magallanes
• Roxas Blvd. – mula Buendia Ave. hanggang Ayala Blvd.
• Burgos, Finance Road at Ayala Blvd. – mula Roxas Blvd. hanggang Carlos Palanca

Samantala, sa November 12 naman, mula alas 12:01 ng madaling araw, bawal na rin ang lahat ng trucks at closed vans na bumaybay sa kahabaan ng SCTEX at North Luzon Expressway.

Sinabi rin ng MMDA na maaring makaranas ng pagsisikip sa daloy ng traffic sa mga apektadong kalsada sa nabanggit na mga petsa.

Dahil dito, ang mga motorista ay pinapayuhan na maghanap ng alternatibong ruta.