Visa-free travel tungong South Korea, pwede na sa mga Pinoy

 

Maari nang makapasyal ang mga Pinoy sa South Korea nang walang visa.

Sa ulat ng Yonhap News Agency, inanunsyo nito ang kanilang visa-free travel para sa mga Pilipinong nais magtungo sa South Korea hanggang April 2018.

Gayunman, maaari lamang gamitin ng mga Pinoy ang naturang pribilehiyo kung ito ay papasok ng South Korea sa pamamagitan ng YangYang International Airport malapit sa Pyeongchang.

Layon ng naturang hakbang ng South Korea na palakasin ang turismo sa Pyeongchang na siyang venue ngayon ng 2018 Winter Olympics Pebrero.

Sa ngayon, wala pang direct flights mula sa Pilipinas tungong YangYang International Airport.