Pagtatayo ng dagdag na kulungan, isusulong ng BJMP at QC sa Kongreso

 

Hinikayat ng Bureau of Jail Management ang Penology (BJMP) ang mga mambabatas sa Mababang Kapulungan ng Kongreso at pamahalaang lokal ng Quezon City na suportahan ang mga proyektong pagsasagawa ng karagdagang kulungan sa bansa.

Ayon kay QC Jail Warden Supt. Ermilito Moral, kinakailangan ng mas malaking kulungan para magkasya ang mahigit 3,000 bilanggo.

Sa ngayon kasi, aabot na sa 3,400 ang kasalukuyang nakakulong sa QC Jail na orihinal na ginawa para lang sa 700 bilanggo.

Paliwanag ng opisyal, nagiging karaniwang sanhi ng mga riot o kaguluhan at hindi pagkakaunawaan ng apat na grupo tulad ng Bahala Na Gang, Batang City Jail, Sputnik at Sige-sige ang masikip na pasilidad.

Pag-aamin pa nito, nahihirapan din sila sa pagtigil ng mga riot dahil punung-puno ang mga kulungan.