Walang nadamay na Pinoy sa naganap na mass shooting sa San Antonio, Texas.
Ayon sa Philippine Consulate sa Los Angeles, walang namatay o nasugatan sa 7,400 Pilipino na naninirahan sa lugar.
Sinabi ni Consul General Adelio Angelito Cruz na naglakad ang gunman sa loob ng First Baptist Church bandang 11:00 AM at biglang binaril ang mga tao gamit ang dalang rifle.
Agad naman aniyang umalis ang suspek na nakilalang si Devin Patrick Kelley na isang dating Air Force personnel sa simbahan at kalaunan ay natagpuang patay sa loob ng kaniyang sasakyan.
Sa ngayon, patuloy ang isinasagawang imbestigasyon sa tinaguriang pinakamalaking mass shooting incident sa lugar.
Samantala, nagparating naman ng pakikiramay ang Pilipinas sa pagkamatay ng 26 katao at sa 546 na sugatan sa naturang insidente.