Sa abiso ng Manila International Airport Authority (MIAA), ilang biyahe na mula at pabalik sa Ninoy Aquino International Airport (NAIA) ang kinansela dahil sa masamang panahon.
Kabilang dito ang flights ng PAL Express na 2P 2084 at 2P 2085 Manila-Basco-Manila at 2P 2014/2015 Manila-Tuguegarao-Manila.
Kanselado na rin ang flights M8 816 at 817 Manila-Basco-Manila ng Skyjet.
Habang kinansela naman ng Cebu Pacific ang kanilang flights 5J 504 at 505 Manila-Tuguegarao-Manila.
Ang mga apektadong pasahero ay pinapayuhan na makipag-ugnayan sa airline companies para sa rebooking o refund ng pamasahe.
Ayon sa PAGASA, apektado ng tail-end ng cold front, easterlies at Northeast Monsoon ang Luzon ngayong araw.