Zamboanga Del Sur, niyanig ng magnitude 4.1 na lindol

Niyanig ng magnitude 4.1 na lindol ang bayan ng Lapuyan sa Zamboanga Del Sur.

Naganap ang pagyanig sa 7 kilometers South ng Lapuyan alas 12:53 ng Lunes ng madaling araw.

May lalim na 28 kilometers ang lindol at tectonic ang origin.

Ayon sa Phivolcs, hindi naman inaasahang magdudulot ng pinsala at aftershocks ang lindol.

Samantala alas 11:35 ng gabi ng Linggo, ay niyanig ng magnitude 3.9 ang Malilipot, Albay.

Naitala ang Intensity 4 sa Guinobatan, Albay at Legazpi City bunsod ng nasabing lindol.