Isang lalaki, nahulog sa bangin patay!

Nahulog sa bangin sa Balamban sa lalawigan ng Cebu ang minamanehong sasakyan ng isang lalaki, dahilan ng agaran nitong pagkamatay.

Kinilala ang biktima na si Markjun Abadilla, dalawamput pitong taong gulang at residente ng Cebu City.

Ayon sa paunang imbestigasyon, nasira ang brake sa sasakyang minamaneho ni Abadilla. Nawalan umano ito ng kontrol sa manibela, dahilan upang mahulog sa bangin na halos 100 metro ang lalim.

Sinubukan pang dalhin sa ospital si Abadilla, ngunit hindi na ito umabot ng buhay.

Wala namang ibang kasama sa sasakyan si Abadilla nang maganap ang aksidente.