Isang araw matapos mag-retiro, Eduardo Año, itinalaga sa DILG ni Pangulong Duterte

Isang araw matapos na mag-retiro ay pormal nang itinalaga sa Department of Interior and Local Government (DILG) si dating Armed Forces of the Philippines (AFP) Chief of Staff Eduardo Año.

Batay sa appointment paper na inilabas ng Malakanyang, itinalaga si Año bilang bagong undersecretary sa DILG.

Nilagdaan ni Pangulong Rodrigo Duterte ang nasabing appointment na may petsang October 26, 2017.

Noong Huwebes ay pormal nang nagretiro sa pwesto si Año at ang pumalit sa kaniya bilang bagong hepe ng sandatahang lakas ay si Lieutenant General Rey Leonardo Guerrero na commanding general ng Philippine Army sa Wastern Mindanao.

Saglit lamang ang magiging paninilbihan ni Guerrero dahil nakatakda naman itong mag-retiro sa Disyembre.