Lacson: Pagkakataon na maging state witness sinayang ni John Paul Solano

Nanghihinayang si Sen. Ping Lacson sa pagkakataon na sinayang ng hazing suspect na si John Paul Solano sa kaso ng pagpatay sa UST law student na si Horacio “Atio” Castillo III.

Ayon kay Lacson, Chairman ng Senate Committee on Public Order, si Solano sana ang isa sa mga credible witness sa kaso ng pagkamatay ni Castillo.

Pero hindi na aniya ito mangyayari matapos ang tell-all-tale ng lumutang na testigong si Marc Anthony Ventura.

Nanghihinayang si Lacson dahil nabigyan na si Solano ng pagkakataon na sabihin ang totoo dahil siya ang tingin nito na least guilty sa kaso pero pinagtakpan lamang nito ang mga kasamahan sa Aegis Juris Fraternity.