Ex-Bgy. Captain sa Basilan, pinugutan

 

Pinugutan na ng ulo ng hindi pa nakikilalang salarin ang dating barangay chairman sa lalawigan ng Basilan.

Natagpuan ang katawan ng biktimang si Hadji Najir Bohong, sa Barangay Mahatallang, sa bayan ng Sumisip, Basilan Linggo ng umaga.

Sabado ng hapon nang umalis ng bahay ang biktima upang maghanap ng panggatong ‘di kalayuan sa kanilang tahanan.

Kinabukasan na ng alas 11:00 ng umaga natagpuan ang walang ulong katawan ng biktima.

Inaalam pa ng mga otoridad ang posibleng motibo sa likod ng pagpatay at pagpugot sa ulo ng biktima.