DENR pabor sa dagdag na buwis sa mga mining companies

Pabor si Environment Secretary Roy Cimatu na taasan ang excise tax na sinisingil ng gobyerno sa mga mining companies sa bansa.

Sa pulong balitaan sa Malacañang, sinabi ni Cimatu na masyadong maliit ang two percent na buwis na ibinabayad ng mga mining companies.

Bukod sa excise tax, nagbabayad din ang mga mining company ng corporate income tax at fee sa local government unit.

ayon kay Cimatu, ipauubaya na niya sa mining industry coordinating council ang pagpapasya kung magkano ang idadagdag na excise tax.

Inihalimbawa ni Cimatu ang ibang bansa na umaabot sa 10 percent ang excise tax na sinisingil ng gobyerno sa mga mining companies.