Dagdag-bawas sa presyo ng langis, epektibo na ngayong araw

 

Magpapatupad ng bahagyang dagdag-bawas sa presyo ng kanilang mga produkto ang mga kumpanya ng langis ngayong araw.

Sa kanilang magkakahiwalay na abiso, magtataas ng 20 centavos ang presyo ng kada litro ng gasolina ng Total, Jetti, Petron, Unioil, Eastern, Caltex, SeaOil, PTT, Phoenix, Shell at Flying V.

Samantala, magpapatupad naman ng 15 centavos na rollback sa presyo ng kada litro ng kanilang kerosene ang Shell, Flying V, SeaOil, Caltex, at Petron.

Epektibo ang pagbabago sa presyo ganap na alas-6:00 ng umaga para sa halos lahat ng kumpanya, maliban sa Flying V na nauna nang magpatupad kaninang hatinggabi.

Noong nakaraang linggo ay nagpatupad naman ng rollback ang mga kumpanya ng produktong petrolyo.