Sa text message na ipinadala sa mga mamamahayag, sinabi ni LTFRB board member Aileen Lizada na bukod sa grupong PISTON na mangunguna sa transport strike ngayong araw, may ilang makakaliwang grupo rin ang lalahok sa kilos protesta.
Layunin umano ng mga ito na ipakita sa mamamayan at sa mundo na magulo ang kasalukuyang sitwasyon sa bansa bilang bahagi ng kanilang destabilization effort.
Gayunman, upang matiyak aniya na hindi gaanong maapektuhan ang publiko sa transport strike, maglulunsad ng ‘Kalayaan rides’ ang LTFRB upang maisakay ng libre ang mga maii-stranded na pasahero.
Bukod sa mga jeep, magpapalabas rin ng mga bus ang ahensya para matulungan ang mga commuter na maapektuhan ng transport strike.
Una nang nag-anunsyo ng dalawang araw na transport strike ang PISTON upang kondenahin ang napipintong jeepney modernization program ng gobyerno.